物業令很多香港人致富，於是有些人心存僥倖，期望這條致富公式，永遠在香港成立；然而，凡物有週期，且往往成在蕭何，敗亦在蕭河。
再承接昨天之文，為駁斥我樓市不能大升這觀點，該網友還有這個論點：
「中國冷氣，電車，高鐵，電池，電話，全部暢銷緊全世界，十年前同你講中國賣車全世界第一，你一定笑我痴線
十年後今日做到了，唔可以用十年前果個思維睇中國經濟，佢唔冧，只會再上，下一個十年中國/香港樓價一定可以破頂。」
這段令我以為中國現在才剛加入世貿，今天先成為世界工廠，阿里巴巴仍未出現、小米就真是一粒米、小鵬屬小鳥的一種、惠州仍未以住宅物業為土產………
佢呢句「十年前同你講中國賣車全世界第一，你一定笑我痴線。」我點會笑佢痴線！十年前即2016年，中國賣車全世界第一，已經係事實！中國自 2009 年起超越美國成為全球最大新車市場後，2016 年已是連續第 8 年蟬聯全球汽車銷量第一。
呢位網友，發生乜事！？條時間軸喺邊樹！？
最後一個論點：
「今次係整頓佢，因為賣樓花，恒大債券，市場爛尾樓等好多k型扭曲商人手段，整頓完，都係要升
一個政府唔會樂見長期市況低迷，一個領導唔會讓歷史寫低民不聊生四個字，升市初期係絕大多數人唔信，升市未期，係絕大多數人覺得唔會跌，都講左幾個月，跌左2個%？」
呢段東拉西扯，總之就係一句：全宇宙怎混沌也好，都要力保香港樓市無窮上升！
竟然有這種恨樓價升恨到如斯失心瘋的人！