承接今早之文，駁斥我樓市不能大升，這網友還有一個論點：
「第二，如你所言，中國都量寬了，仲定埋息幫你買，雖知道全中國係香港帶頭升先，政策要推，一個唔得，仲有十個，on the other hand，中國冷氣，電車，高鐵，電池，電話，全部暢銷緊全世界，十年前同你講中國賣車全世界第一，你一定笑我痴線
十年後今日做到了，唔可以用十年前果個思維睇中國經濟，佢唔冧，只會再上，下一個十年中國/香港樓價一定可以破頂
今次係整頓佢，因為賣樓花，恒大債券，市場爛尾樓等好多k型扭曲商人手段，整頓完，都係要升一個政府唔會樂見長期市況低迷，一個領導唔會讓歷史寫低民不聊生四個字，升市初期係絕大多數人唔信，升市未期，係絕大多數人覺得唔會跌，都講左幾個月，跌左2個%？」
我看了這論點，我真概括不出一個重心，內容中有多個論點，我逐一反駁！
先說第一個：
「如你所言，中國都量寬了，仲定埋息幫你買，雖知道全中國係香港帶頭升先，政策要推，一個唔得，仲有十個。」
說甚麼屁話！內地量寬，香港樓市升先，才到國內的！這是甚度邏輯！上十年，是內地樓價升先，內地或港人賺了，資金才南下來推升港樓。
難道，你會認為內地人會在港賣樓賺了港紙，轉回人民幣到內地再炒樓？
中央量寬，愈來愈精準。2024年下半手，中央也「精準」地量寬到內地科技產業，那次的而且確九個月後就推升港樓，亦帶動了港股，是事實！
但今回「量寬」，中央精準到只落在首次購買一手房來自住的內地買家，目的是去樓房存庫，二手物業的流動力並不會因此而改善；所以，根本就沒有資金可南下。再加上中央嚴打資金出境，真係你想偷運呢d資金出去都難過登天，那怎可以令香港樓市受惠！？
唔通又係嗰句：「內地人實有辦法嘅！」我就追價搶港樓送錢比人使咩！