內地物業的確存在樓齡一過二三十年就難賣之現象，主要原因是雖然內地《物業法》同《民法典》已經明確規定住宅建設用地使用權屆滿，可自動續期，但點樣續？要否補地價？補幾多？國家一直未有一套全國統一、清晰既收費標準，就系呢種不確定性令買家產生心理戒備，對物業「70年大限」異常上心。
亦可能因為呢「70年大限」，內地不少二三十年前建成的住宅，尤其系90年代或2000年初的分排樓，物業管理水平極差，外牆、電梯同管道老化得好快，令折舊感遠比實際樓齡大。
於是，內地銀行對老舊二手樓嘅按揭審批非常嚴格，樓齡大往往意味著貸款年期被大幅縮短，甚至唔批，直接卡死了買家接盤的能力，令超過二三十年樓齡的二手樓好難甩手。
但香港樓，好像沒有這擔憂和相應的問題，原因何在？
首先，2047年已經唔系香港地契的死線，大家都該知，現下只要政府公告刊憲，地契就會自動續期 50 年，例如 2047 年 6 月 30 日到期的地契，將會自動延續至 2097 年 6 月 30 日，政府是不需要與全港幾十萬名業主逐一對身份和簽署新地契的；而首份續期公告已於 2024 年 7 月刊憲，涵蓋了 2024 至 2030 年底到期的地契。
好了，地契續期已無後顧之憂；另一方面，香港政府一向對「地契續期」有一套行之有效、透明度極高嘅機制。根據現行政策，物業地契到期時，小業主唔需要補地價，只需要每年向政府繳交「地租」，通常系物業應課差餉租值的3%；而薄扶林花園等亦已有先例，於是，香港人對「2047大限」普遍抱住「到時都系交地租解決」嘅預期，買二手樓就沒有太大的心理包袱。
香港的屋苑，尤其系大型發展商興建的，普遍有較完善的維修基金同強制的「強制驗樓計劃」，即使是四五十年的太古城、美孚新邨、沙田第一城，外觀同結構依然保養得宜，仍有買家受落。
以前銀行確實會擔心2047年後嘅業權而唔肯批出「30年按揭」，但現在政府已有清晰政策續期，即使地契跨越2047年，銀行依然照樣批出30年按揭。
港樓貴過深圳樓，其實這個都系主因之一。