有位網友寫下這評語：
「好多人都睇淡樓市，一口咬定加息週期未完，樓價仲會再插，最少腰斬。
但現實係，中國已經連續兩年出盡各種放寬措施，一浪接一浪，全部都係實打實嘅利好。
兩年時間，夠你慢慢調整心態，重新睇清楚市場。
偏偏人心就係咁奇怪——只想聽自己想聽嘅說話，寧願日日活喺自己砌出嚟嘅恐懼裡，把燈關到最暗，拒絕任何希望嘅光。
政府口口聲聲「住房不炒」，動作卻完全相反。
佢哋比任何人都更怕樓市持續下跌，用盡方法托住、補血、救市。減息、放寬限購、降低門檻……每一招都係為咗唔畀市場再往下沉。
點解咁多人仍然睇唔到？
點解仲甘願困喺自己嘅世界，對眼前發生緊嘅事視而不見？
最近啟德跑道區又再破頂，六萬蚊一呎，依然有人爭住買。
呢啲唔係紙上談兵，係真金白銀、真實存在嘅購買力。
有時候，市場已經用事實喺度說話，只係我哋願唔願意，從自己砌出嚟嘅黑暗裡，抬頭望一望光。」
和而不同，我當然歡迎，但當中以
「最近啟德跑道區又再破頂，六萬蚊一呎，依然有人爭住買。」
來支持樓市大好，我是有保留的。
啟德跑道區確實出現過「每呎6萬元甚至8萬元」的成交紀錄，始終啟德跑道區前臨維港一線海景，高價成交創下紀錄是絕對有可能，正如新地旗下的跑道區豪宅「天璽·海」，其低座複式大宅成交價達2.4792億元，實用呎價高達 80,000元，創下啟德全區新高；而華潤與保利合作的「澐璟」頂層大宅或一線海景四房戶，亦屢次錄得實用呎價 60,000元至61,000元的招標成交。
但這屬於極少數的頂級一線海景豪宅或特色大宅，由於優質維港海景特色戶極度稀缺，對高端富豪而言具收藏價值，因此招標成交頻創高價，但並不代表整區普通住宅的普遍行情。
若指大眾型戶型（一房至三房），跑道區普遍開價遠低於6萬元，目前跑道區多數一般項目的折實平均呎價主要落在 1.7萬至2.2萬元左右，部分項目的一房單位折實入場價約 500多萬至600萬元 起。因此，市場並沒有「普遍開價6萬一呎人人爭住搶」的情況。
「6萬一呎」是極少數頂級豪宅的極限成交價，甚至已有8萬一呎，並非全區平均市價，把豪宅天花板價當作普遍房價，屬於典型的「新聞標題效應」。至於搶購，發展商開價低才有人搶，一開高就睬你都儍！會德豐古洞北盤就是例子。