今早帖文出後，原來有不少讀者不明白，美國國債高收益率為何能影響美成長型股票的股價。
很簡單，以當下30年期美國國債而言，若你現在買入，天天可收息，年息是5釐多少少，好過做美元定期bor！
而美成長型的AI或科技股票，無股息收gar bor，而佢地嗰勢又唔似有得大升，咁你揀啦！你呢一刻，買美股定買美國國債？
仲有，如果美聯儲下次議息真係加息，市場預期可能開始加息週期，未來通脹該壓得下，市場長息開始回落，美國國債價格就升，你即賣出，又賺！又賺息又賺差價，重唔和味過和味濃！
而且，你有讀過經濟學就知，以30年期國債如此長期的資產來說，利率一跌，其市價的升幅遠高於其他較短年期的美國國債，賺價可以賺得好勁（當然，跌時亦都可以好蝕）。
總之，我個人心路：當下美國長期國債係極吸引。
我今朝都特登登入IB account search 「US-T」睇下入唔入手好！
考慮中！