會德豐地產旗下古洞北新盤 PARK SILICON 第 2 期PALO SPRINGS，昨天公布的首張價單，折實平均呎價為$17,671 每平方呎 ，推64伙…….
我看後，內心湧出的回響是：「我不如買奧海城二手樓」，$18,000一呎，奧運站或奧海城都應該搵到貨，雖則樓齡已廿年有多，但港樓不像內地樓，後者住十年就已經好殘，港樓保養得宜，住夠七十年都得；更何況，奧海城社區配套完善，近住幾條主鐵路，區內又無乜新供應，物業的流動力很高，既容易出租亦不難走貨，我點計都好，都無理由用$18000買一個社區配套未完善且日後仲好Q多供應的屋苑。
就算唔想入手奧海城，都大把九龍好盤可入手，都唔使貼錢去幫發展商守邊疆。
呢次我撐施永青啦，發展商開價真係唔好咁進取！你叫d地產代理點同你推盤呀！$18000一呎！講出嚟嗰客聽到都黑面。
除非，發展商開咁高既價，其實暗裏係有高成數回佣既…….
但天曉得囉！